SHILLONG: Re·anggipa Bristibar pringo, Shillong Civil Hospital-o admit ka·ako man·gipa koidi saksa, an·tangko so·ote siaha.
Koborko on·ani gitade, bichal ka·ako man·enggipa koidi Robi Sunar, hospital-ni bathroom-o an·tangko kae siaha.
Sianggipa Robi Sunar aro gipin manderangko, re·anggipa Budbar walosan, pekgipa samrangko jakkalani gimin Nongpoh-ni Down gate joloniko rim·ahachim.
Rim·ako man·ani ja·mano Sunar-ko police-rang, Shillong Civil Hospital-o donengachim indiba ua Bristibar pringo an·tangko so·ote siskaaha ine kobor on·timgiparang parakataha.
Ia a·selni bidingo police-rang am·sandianirangko dakna a·bachengataha ineba u·iataha.
