SHILLONG: Meghalaya a·dokni ning·o donggipa pilak hostel-rangkon kulipilna gita a·dok sorkari niamrangko donataha.
Sorkarini dongimin niam gitade, hostel-rangko class IX-oni class XII-ona kulipilna man·gen indiba hostel-o dongenggipa pilakan RTPCR test-ko ka·gimin ong·na nanggen.
Hostel-o dongenggiparang bilsi 15 aro una batgimin ong·na nangna nanggen aro hostel-o tika su·gimin aro su·kigijagiparangna dingtang dingtang kuturiko on·na nanggen.
Hostel-o dongenggipa chatro chatrirang tika su·na gong·jaenga ong·ode sal 10-prakon RTPCR test-ko ka·skana nanggen.
Hostel-rangko kulina skang, COVID-19-ni bidingo aro niamrangni bidingo awareness program-rangko ong·atna nanggen aro hostel-o dongenggipa chatro chatrirang baksana uamangni ma·a paarangba sorkarini dongimin niamrangko ja·rikgen ine see on·na nanggen.
Hostel-o dongenggiparangna komibeoba feet 6 chel·grike biaprangko on·na nanggen aro hostel-o dongenggiparangba an·tangtangni kuturirangona agrede pangnan mask-rangko ganjringna nanggen.
Hostel campus ning·o jinma tom·anirangko ong·atna man·jawa aro hostel-o dongenggiparang, pilak bosturangkon jakkaldimna man·jawa.
