SHILLONG: National People’s Party (NPP)-chi dilenggipa Meghalaya Democratic Alliance (MDA)-o bakrimanggipa sakbonga MLA-rangko Congress dolo membor ong·aoniko dontongatnaba gnang.
Iani bidingo kobor ra·timgiparangna u·iatengon, Congress MLA-rangni MDA-o bakrimaniko AICC jegalenga aro MLA-rangni kosako nanga gita ja·kurangko de·anggen ine Sukrobar salo, Meghalaya Pradesh Congress Committee (MPCC)-ni president Vincent Pala parakataha.
Pala-ni u·iatani gitade, MDA-o bakrimanggipa sakbonga MLA-rangna show cause notice-ko on·gen aro ia sak bonga MLA-rangni Congress dolo membor ong·aoniko dontongatnaba gnang.
Ia sakbonga MLA-rangni a·sel Congress dol, a·dokni bangki dam 55 constituency-rangko gimaatna man·jawa ineba MPCC-ni president parakataha.
Ia sakbonga MLA griba Congress dol tangna man·aigen aro Congress dolo chu·onga gita cholrang donga ineba ua aganaha.
Iani bidingo Ri Bhoi a·jani Congress MLA Mayralborn Syiem-o sing·sandiaton, uamangni kosako Congress dolni nangnikani gita dakchina ine parakatskaaha.
“Angaba saksa Congress dolni memboran ong·a aro Congress dolon ong·aikugen. Iani bidingo anga an·tangde mamingkoba aganpana man·jawa aro dolni skani gitasa ong·aichina,” ine Syiem aganaha.
Apsan daken, West Shillong-ni Congress MLA Mahendro Rapsang-ba Congress dolon ong·na nangnikkuenga ine parakataha.
