SHILLONG: Meghalaya sorkarini dingtang dingtang department-rango ge 1700-na baten kamrang bangbang ong·e dongenga aro ia department-rangoni Health department-an bang·batgipa ong·enga ine Right To Information (RTI) ka·e man·gipa Disparsing Rani parakataha.
Disparsing Rani-ni parakatani gitade, sorkarini dingtang dingtang department-rango gimik ge 1708 kamrang bangbang ong·e dongenga aro ianoni ge 547-de Health department-o ong·e bang·batgipa ong·enga.
East Khasi Hills, Jowai aro Tura-ko watchanggalen, Health department-o gimik ge 547 kamrang bangbang ong·e dongenga ineba RTI activist parakataha.
Rani-ni parakatani gitade, bangbang ong·e dongenggipa gipin kamrangoni ge 183-de Water Resources-o, ge 133-de Statistics-o, ge 31-de Horticulture-o, ge 35-de Agriculture-o, ge 226-de Soil & Water Water Conservation-o, ge 113-de Commerce & Industry-o, ge 148-de Printing & Stationery-o, ge 30-de Sports & Youth Affairs-o, ge 90-de State Rural Livelihood Society-o, ge 97-de Forest-o, ge 19-de Public Works Department-o aro ge 26-de Education department-o ong·enga.
