TURA: Tura City Congress Committee (TCCC)-ni dilgipa aro District Youth Congress (DYC)-ni dilgipa Mitison D Sangma, Congress doloni ong·kataha ine kobor on·aha.
Raksamgre-ni gitcham MLA Limison D Sangma aro Tikrikilla-ni MLA Jimmy D Sangma-ni jonggipa Mitison Sangma, re·anggipa Sukrobar salon, an·tangni kam watani chittiko TCCC-ni secretary-na on·ataha ineba kobor on·aha.
Koborko on·ani gitade, Congress doloni ong·katani ja·man ua National People’s Party (NPP)-o napskanaba gnang.