Sunday, June 29, 2025
spot_img

GHADC-ko office picketing ka·ani sal 3 matchotaha

Date:

Share post:

spot_imgspot_img

TURA: Garo Hills Autonomous District Council (GHADC)-ni gital chief executive membor (CEM) Rakesh Sangma-ko ra·galpilchina dabie GHADC office-ko kam ka·na on·gija NGO-rangni jingjengatani mijal Bristibar salo salgittam gapaha.
Ia jingjengataniko GSU, FKJGP, ADE, AYWO aro FAF dolrang dakdilengachim aro gital CEM-ko jegale jingjengatanio AHAM aro Garo Hills-ni gipin NGO-rangba bakrimpaengachim.
Iana skangba NGO-rang, gital CEM-ko ra·galpilchina dabie, salgnina non-cooperation movement (NCM) aro antigimikna night road blockade-ko ong·atangahachim.
Sombar saloba Garo Hills gimikni NGO-rang, kotok jinma baksa GHADC office-ona napdraangenba, Rakesh Sangma-ko CEM ong·aoniko ra·galchina jinma inchroe dabitokahachim indiba da·onan uko CEM-ni biaponiko ra·galpilkujaengani gimin Mongolbar salonin NGO-rang, Garo Hills gimikni manderang baksa nangrime, GHADC-ko kam ka·na on·gija jingjengatengahachim.
Gital CEM Rakesh Sangma-ra atchiaonin A·chikrangni bewalo janggi tangbagipa mande ong·jagenchimode maikai A·chik jat aro a·songko dilna man·gen ine Garo Hills gimikni manderangan uni CEM ong·aniko raken jegaltokengachim.
Office picketing-ko Mongolbar salo a·bachengatanio MDC-rangoni saksa Jengjal-ni MDC Grahambell A Sangma, GHADC-ni quarter-ona re·angako nike ja·mano jegalenggipa manderang jinma uko GHADC compound-oniko a·rikgalatpiltokahachim.
GHADC-ko office picketing ka·ani da·al Sukrobar salon matchotengahaoba, gital CEM-ko ra·galkuja dipetnade dingtang dingtang dake jingjengatanirangko dontongkujawa ine NGO-rang parakatskaaha.
“Chingni gital CEM-ko ra·galchina dabiani chu·sokkujaskal chinga chingni jingjengatanirangko dontongkujawa. Da·al (Bristibar) salni bako chingni ma·giparang chingni jingjengatgipa biapona re·bae chingna mi-chirangko sachie on·aha aro ian chingni jingjengatanio manderangni bakrimaniko mesokani ong·enga,” ine Bristibar attamo FKJGP-Garo Hills Zone-ni president Pritam Marak parakataha.

spot_imgspot_img

Related articles

Emergency imposers murdered Constitution, intended to enslave judiciary, says PM Modi

New Delhi, June 29 : Prime Minister Narendra Modi on Sunday launched a scathing attack on those who...

YSRCP leader detained after tension erupts in Andhra Pradesh’s Anantapur

Amaravati, June 29:Police in Tadipatri town of Andhra Pradesh’s Anantapur district on Sunday detained YSR Congress Party leader...

PM Modi hails ‘women-led development’, lauds SHG initiatives in Meghalaya, Telangana, K’taka, MP

New Delhi, June 29: Prime Minister Narendra Modi on Sunday hailed the transformative role of women across India...

AAIB also probing sabotage angle in Air India plane crash: Minister

New Delhi, June 29: Minister of State for Civil Aviation, Murlidhar Mohol, has said that the Aircraft Accident...