SHILLONG: Meghalaya a·dokni Shallang jolo donggipa koela a·kolo, Assam-oni re·bae kam ka·enggipa mande sakgni rang·sisokjae siangaha.
Koborko on·ani gitade, ia mande sakgnian bilsi 28 ong·gipa Ainuddin Ali aro bilsi 30 ong·gipa Sukur Ali ong·achim aro uamang sakgnian Assam a·dokmi Boko joloni ong·achim.
Ia a·sel ong·ani Budbar walo ong·aha aro ua somoio uamang oxygen donggijagipa koela a·kolona napange koelarangko bikotengachim.
Koela a·kolo balwa man·jae uamang sakgnian rang·sisokgija siangna gita nangaha.
