TURA: Garo Hills-o Eri jile cha·enggipa manderangna Sukrobar salo, Agri-Entrepreneurship Development-ni bidingo training program aro workshop-ko New Tura-o donggipa Sericulture Farm-o ong·atangaha. Ia training program-ko Raipur Chattisgarh-o donggipa ICAR, NIBMS-ni dakchakanichi, NEHU Tura campus-ni ning·o donggipa Incubation Centre baksana Tura Central Silk Board-ni P4 Unit aro Tura-ni District Sericulture Office nangrime ong·atangaha.
Ia program-ko ong·atanio NEHU Tura Campus-ni Pro-Vice Chancellor Prof G Singaiah, mongsonggipa sokgipa ong·e jinmana aganprakangengon, ia jolrango eri jile cha·enggiparangna tangka paisani gita dakchakanirangko on·an baksana training program aro workshop gita dakgipa program-rangko ong·atanichi Incubation Centre-ni gita dakchakanirangko on·na jotton ka·anggen ine ku·rachakaniko on·angaha.
Eri jo·ongrangko jile cha·an baksana an·tangtangni man·dapanirangko bariatna gita wak, do·o, na·tok aro uandakgipa jilla kaanirangko dake cha·china gitaba ua game ge·e cha·giparangko didiangaha.
Ia program-ko ong·atanio District Sericulture Officer Sanre G Momin-ba dongpae jinmana aganprakengon, silk ba·rarangko tarianio eri jo·ongrangko jile cha·enggipa manderangni kamrangni gimin aganangenba, an·tangtangni janggi tangani gadangko nambatatna man·na gita bimchipe kamrangko ka·china didiangaha.
Ia program-ko ong·atanio seokako man·gimin manderangna dingtangmancha eri jilani bosturang, jekai rack, tarpaulin, torch light aro uandakgipa bosturangko suale on·angjolaha.
Ia program-ko ong·atanio dongpae jinmana aganprakanggipa gipin manderangara, NEHU Tura campus-ni ning·o donggipa Incubation Centre-ni Nodal Officer Dr Shashi Kumar, Tura CSB-ni Scientist-B Dr Indira Kumar, Sericulture Inspector Panna G Momin, Tura-o bading chiwalgipa mande saksa Vivian A Sangma aro gipinrang ong·a.
Eri jile cha·giparangna Agri-Entrepreneurship-ni bidingo workshop-ko ong·ata
Date:
Share post:
