Shillong: Meghalaya Biodiversity Board (MBB), Sonibar salo Asian Waterbird Census (AWC)-ko ong·atchengaha. Indake Ribhoi district-ni dambonga biaprang Umsaw, Umbir, Umniuh, Mawlyndep, Umiam-ko man·gope census ka·angaha.
Biodiversity Management Committee (BMC)-ni memborrangni nirok-simsakani aro dilanio unbaksana Chief Wildlife Warden aro Membor Secretary-ni dongpanio waterbird census-ko ka·angaha.
Census-o bak ra·gipa expert-rangara- Dr. Sonali Ghosh, IFS CCF (R&WP) Assam Forest Department; Dr. Bibhuti Lahkar, Dr Udayan Borthakur, Dr. Pranjal Kumar Das aro Dr. Leons Mathiew Abraham (Veterinarian) Aaranyak, photographer Mr. Nabajit Choudhury- iamang ong·a.
Asian Waterbird Census (AWC), ian global International Waterbird Census (IWC)-ni bak ong·a. AWC-ko ian skanggipa changna a·doko, sorkarini department, national NGOs aro jolni committee-rang baksa melie ong·ataha.