TURA: Garo Hills Autonomous District Council (GHADC)-ni gital chairman-ko seokna gita re·baenggipa Sukrobar salo dingtangmancha tom·aniko ong·atchina Meghalaya a·dokni Governor, GHADC-na ge·etaniko on·angaha.
GHADC-ni gital chairman-ko seokna tom·aniko West Garo Hills a·jani Deputy Commissioner dilchina gitaba a·dokni Governor ge·etaniko on·angaha.
GHADC-ni gitcham chief executive membor (CEM) Rakesh Sangma-ko seokani ja·man, Garo Hills gimik jegaltokahani gimin adita salrangna skangsan ua kamtangko wate on·ahachim aro da·o GHADC-ni deputy chairman Albinush Marak-ko NPP-chi dilenggipa Executive Committee-ni membor-rang, gital CEM-na biming minge donskaahani gimin uaba deputy chairman-ni kamko watangskaahachim.
Indake ong·engon, GHADC-ni kamrangko chalaidilna man·na gita gital chairman-ko seokna dingtangmancha session ba tom·aniko ong·atchina a·dokni Governor ge·etaniko on·angaha.
