TURA: Jatni dingtang dingtang nangchongmotgipa kamrangko ka·na aro chatro chatrirangni nanganirangko niroke kam ka·dilangna gita Garo Students Union (GSU) Phulbari regional unit-ko songaha ine GSU central executive committee-ni president Tengsak G Momin parakataha.
Ia gital unit-ko dilna gita seokako man·gipa manderangara, president-na Nyezer Chuang R Marak, vice president-na Jubith R Marak, general secretary-na Tonang A Sangma, additional general secretary-na Rantu R Marak aro assistant general secretary-na Esak M Marak ong·a.
GSU Phulbari regional unit-ni gital dilgiparangko rimchaksoangengon, ia unit-ni dingtang dingtang secretary-rangko aro executive membor-rangko songdape ia unit-ko bilakdapatchina aro jolo songdongenggipa manderangna nambate dangdike on·angchina gita GSU-CEC-ni president didiataha.
