SHILLONG: Meghalayao pilak media house-rangni toprimgimin Meghalaya Editors’ and Publishers’ Association (MEPA), uamangni Annual General Meeting-ko mnisalo Shillong Club-o ong·atangaha.
Ia tom·anio, Meghalayani pilak editor-rang, publisher-rang aro newspaper, magazine, news channel aro online media dakgipani pilakan bakko ra·angaha.
Tom·anio, media house-rangni dingtang dingtang chagrongenggipa neng·nikanirangni bidingo aro journalist-rangni namgnirangni bidingo chanchirimangaha. Tom·anio dingtang dingtang resolutions ba kamrangko tik ka·aha jerangni bidingon MEPA, a·dok sorkari baksa agangrikanggen.
MEPA-ni gitalgipa office bearer-rangkoba 2022-23 bilsina seokangaha. R Monarch Shabong-ko president-na seoktaiaha, unomitingo Marcus M. Thaiang, Rajib Chaudhury, Raphael Warjri aro Russel Nongrum mang vice president-rang ong·anggen, John W. Thabah-ko general secretary-na seokaha, Andrew W. Lyngdoh aro Starfing Pdahkasiej mang joint secretary-rang ong·anggen, Kyrmenlang Uriah-ko organising secretary-na aro Deimebanda Blah-ko treasurer-na seokaha.
Unomitingo Patricia Mukhim, Deimaia Lang Siangshai, E M Jose, Purbasha Bhattacharjee, Shan Shylla, Apporlet Shabong, Bankerlang Lapang aro Bhabok Laloo mangko executive member-rang dake donangaha ine MEPA-ni General Secretary, John W. Thabah u·iataha.
