ILP-ni bidingo MLA sak 60-ni agan-ku·pattianiko ra·gen: CM

SHILLONG: A·doko Inner Line Permit (ILP)-ko ra·gatna dabienggipani gimin New Delhi baksa agangrikani bidingo a·doko gimik sak 60 MLA-rangni agan-ku·pattianirangko ra·gen ine Meghalaya Chief  Minister, Conrad Sangma Sombaro aganaha.
A·doko ILP-ko ra·gatani bidingo maiba cholrang dongama ine Mawlai MLA, PT Sawkmie-ni sing·anina aganchakengon, kamrangni bidingo Ministry of Home Affairs niroke nienga ine Chief Minister, Conrad Sangma aganaha.
A·doko ILP-ko ra·gate on·na gita Ma·mongni chanchiao nange nikja gita dakani gimin ILP-ko man·na gita maiba gnigipa miksongani dongama ine sing·engon, indakgipa chanchianirangde dongja indiba iani bidingo dingtang dingtang cholrangko ra·gen Ma·mong baksa agangrikgen ine Chief Minister aganaha.
Iani bidingo Ma·mong sorkarina chittirangko bang·en seataha aro memorandum kingsakoba da·sikkario Shillong-ona wenbamitingo Home Minister-na on·aha ineba CM aganaha.
Sawkmie agana, Manipur-de krenge dabienba chang gittam mangna resolution-rang pass ka·ani ja·mano ILP-ko man·aha, unigimin sak 60 MLA gimikkon New Delhiona rimgopangenba Ma·mong baksa agangrikechina gitaba Chief Minister-ko aganaha, jekon chanchie nina ine Pa Sangma aganaha.