SHILLONG: 2019-2020 aro 2021-2022 bilsini gisepo Meghalaya a·dok gimiko dam 272 sorkari LP skul nokrangko rikna gita a·dok sorkari, tangka paisarangko chame on·aha.
Kobor on·timgiparangni u·iatani gitade, 2019-2020 bilsini gisepo a·dok gimikni dam 36 constituency-rango dam 78 sorkari LP skul nokrangko rikna tangka paisarangko chame on·aha aro 2021-22 bilsini gisepo a·dok gimikni dam 49 constituency-rango dam 194 sorkari LP skul nokrangko rikna gita tangka paisarangko chame on·skaaha.
2019-2020 bilsini gisepo skul nok damprakna gong lak 10 ka·e tangkarangko chame on·aha aro 2021-2022 bilsini gisepo LP skul ge·prakna gong lak 41.03-ko aro LP baksa UP dakdimgipa skul ge·prakna gong lak 89.37 tangka paisarangko chame on·skaaha ineba kobor on·timgiparang parakataha.