SHILLONG: Parliament -ni budget session matchota ja·mansa, Congress-oni ra·gala man·gipa sakbonga MLA-rangni gimin chanchigen, ine Meghalaya Pradesh Congress Committee (MPCC), Working President, PN Syiem, Sonibar salo parakataha.
“Chingni MP aro State president, Parliament session-o jakchakgija ong·kuenga uni gimin tom·na man·kujaenga, ine Syiem aganaha.
MPCC Chief aro Shillong-oni Lok Sabha MP Vincent Pala, “March 20 ja·mansa Congress-oni ra·gala man·gipa sakbonga MLA-rangni gimin chanchigen’ ine skangan aganataha.
Indake ong·engon ra·gala man·gipa Congress Legislator Party (CLP) dilgipa Ampareen Lyngdoh, “mikkangchi state party baksa agangrikjawa’ ine aganaha.
Party-oni ra·gala man·gipa sakbonga dilgiparang, uamangko dontongataoniko ra·pilkuja dipetna, darang baksa agangrikjawa ine aganaha.
Batanggimin February jao Congress MLA-rang- Ampareen Lyngdoh, PT Sawkmie, Mayralborn Syiem, Mohendro Rapsang aro Kimfa Marbaniang- uamang Meghalaya Democratic Alliance (MDA)-na chakpana parakataha. Uni gimin MPCC, uamang sakbongana show-cause notice-ko wataha aro AICC-na mamingkon u·iatgija ja·ku de·ani gimin ra·galataha.
Uandake MDA-o bakrimpagipa state BJP-ba maini gimin, mamingkon u·iatgija ba agan-golpogrika gri sakbonga Congress MLA-rangni chakpaaniko ra·chakahani bidingo Chief Minister-ni talataniko senge dongenga.
Kobor man·soani gitade ra·gala man·gipa sakbonga MLA-rangoni bang·an gipin political party-ona jitskana chanchienga.
Parl budget session matchota ja·man sak5 MLA-rangni gimin chanchigen: Cong
Date:
Share post:
