SHILLONG: Meghalaya Energy Corporation Limited (MeECL)-ko chalaiani bidingo gitcham Justice RN Mishra-ni dilanichi sandirokenggipa independent inquiry committee, da·o sal 10-ni gisepon a·dok sorkarina report-ko on·na ka·dongsoengaha.
Official saksani parakatani gitade, MeECL-ko chalaiani bidingo sandirokani report-ko tarie ia committee, baditaba chang tom·e chanchirimaha aro ia committee-ni gita report-ko on·na salrangko bi·daptaijahani gimin March 31 tarikna skangan sorkarina report-ko on·na ka·dongsoengaha.
Adita salrangna skangsan, a·dokni Deputy Chief Minister aro Power Minister Prestone Tynsong-ba, gitcham Justice RN Mishra-chi dilenggipa committee, March 31 tarikna skangan report-ko on·na tariengaha ine Assembly-ni budget session-o parakatahachim.
Ia inquiry committee, Power department-ni Saubhagya scheme aro human resource management-ko man·chape MeECL-ni dingtang dingtang kamrangni bidingo sandirokaniko dakengachim.
Ia committee-o chairman-na agreba, IAS officer Manoj Kumar-ko administrative member aro Rural Electrification Corporation-ni gitcham executive director Sunil Kumar-ko technical member-na songahachim.
Da·o dipet ia committee, chang 18-na kingking asonge dingtang dingtang manderangko sing·sandiangahachim ine nikna man·a.