TURA: Tribal Sub Plan (TSP)-ni ning·o me·gimurangko bilsi gimik ge·ani bidingo skie on·na gita Budbar salo, West Garo Hills a·jani ICAR Krishi Vigyan Kendra (KVK)-ni gita salsani training program-ko ong·atangaha.
Ia program-ko ong·atanio West Garo Hills a·jani Deputy Commissioner Ram Singh, mongsonggipa sokgipa ong·e jinmana aganprakangengon, an·tangtangni janggi tangani gadangko namdapatna gita gipin kamrang baksana me·gimurangkoba ge·e cha·china, game ge·e cha·giparangko didiangaha.
Ia training program-ko ong·atanio Miboldarechikgre, Achapara aro Sangsanggre songrangoni gimik sak 30 manderang donge skie ra·angaha aro uamangna Horticulture department-ni Assistant Director Paulette A Sangma baksana gipin officer-rang, me·gimurangko ge·ani bidingo skie on·angaha..
