SHILLONG: World Oral Health Day-ko maniani bak gita North Eastern Indira Gandhi Regional Institute of Health & Medical Sciences (NEIGRIHMS)-o Dentistry department-ni gita Oral Awareness program-ko ong·atangaha.
Ia salko maniani bak gita re·anggipa March-ni 20 tariko Oral Health awareness-ni bidingo Dr Nathaniel Kharumnuid, dingtangmancha All India Radio-o aganprakaniko dakangaha aro March-ni 23 tarikoba MBBS aro Nursing poraienggipa chatro chatrirangna km 2.5 ong·gipa Run awareness-ko ong·atangaha. Ia katsusaaniko NEIGRIHMS-ni Director Prof (Dr) Nalin Mehta, a·bachengate on·angaha. Katsusaanio chegiparangna certificate baksana medalrangko on·angaha.
Iani ja·man NEIGRIHMS-ni OPD foyer area-o dingtangmancha awareness program-ko ong·atangskaaha, jeon NEIGRIHMS-ni Director Prof (Dr) Nalin Mehta, Dean Prof (Dr) Asima Bhattacharya, Medical Superintendent Prof (Dr) C Daniala, Dentistry department-ni HOD aro Prof (Dr) S Vijay Singh aro gipinrangba dongpae bak ra·angaha.
Ia awareness program-ko ong·atanio Prof (Dr) Mehta, jinmana aganprakengon, ku·sikko an·seng baljoke rakkina nangchongmotani gimin aro ku·sikni ma·manti sabisirangni gimin agan-talate on·angaha.
Oral cancer-o ta·makkurangko jakkalanichi maidakgipa nangchakeanirang dongachim, uarangni giminba ua jinmana agan-talate on·angaha. Ta·makkuko jakkalaniara mandenasan ong·aigija samtangtango ong·telaigiparangnaba nangchakeaniko ra·bana man·a ineba NEIGRIHMS-ni Director talataniko on·angaha.
