SHILLONG: Meghalaya a·doko Sonibar salo sakgittam manderang Covid man·dapaha aro sakbonga gipinrang sabisioni nampilskaaha. Sonibar salni bako covid man·e sianggipa dongjaha.
Mijal salni bako East Garo Hills-o saksa, Ri-Bhoi-o saksa aro West Khasi Hills-o saksa covid man·dapaha.
Sonibar salo, East Khasi Hills-o sak 2, North Garo Hills-o saksa, Ri-Bhoi-o saksa aro West Jaintia Hills-o saksa, covid-oni nampilaha.
Meghalaya a·doko covid sabiko man·giparang mijalni bakona gimikchi sak 93,757 gapangaha, uamangoni sak 92,115 manderang sabisioni nampilaha aro sak 1,593 manderang siangaha, covid man·giparang da·oba sak 49 dongengkua.
Meghalayao covid man·giparang sak 49 dongkuenga, uamangoni East Garo Hills-o sak 2, East Jaintia Hills-o sak 4, East Khasi Hills-o sak 17, Ri-Bhoi-o sak 6, South West Garo Hills-o sak 4, South West Khasi Hills-o sak 1, West Garo Hills-o sak 2, West Jaintia Hills-o sak 6 aro West Khasi Hills-o sak 7 dongkuenga.
 |
ReplyForward
|