NEW DELHI: Lok Sabha-o NPP-ni dilgipa Agatha Sangma, ma·mong sorkariko Northeast-na dingtangmancha Industrial Development Policy-ko ra·gatchina mol·molaha.
Gitcham NEIDS, chu·sokgipa ong·jaha, mongsonggipa industry-rang Himchal Pradesh aro Uttarakhand-ona biapo namgniko man·ani gimin sokangaha, ine Agatha, Ministry of Commerce and Industry-na grant-ko dabiani gimin jera ra·anio bak ra·mitingo aganaha.
Industrial Policy, a·ja damsanasan ong·na nanga aro gipin a·dokrangona gipatna nangja maina Northeast, gipin bimonggipa a·dokrangoni chel·a. Minggipin Northeast a·jao investor-rangna central GST aro IT exemption 100% ong·na nanga ine MP aganaha.
NEIDS-ko Uttarakhand aro Himachal Pradesh-o gipataha, uni gimin investor-rang re·rurana ba sokna altubatgipa biaprangko invest ka·na basetoka. Northeastern Region -oni seoka man·gipa Membor aro representative ong·pae, anga ma·mong sorkariko, Northeast-na Northeast-na gital Industrial policy-ni somoiko bilsi 10-na bariatna mol·mola, ine Agatha aganaha.
Meghalaya-ni gimin aganprakataon, Agatha indine aganaha, “hill state ba a·bri jolo rong·chun, a·ste, sona bringipa ro·ongrang donga, jeni a·sel cement sector-o invest ka·giparang donga, iana jolni manderangna kamko bikote on·a. NEIDS-o cement, steel rolling mills-ko negative list-o donaha.
Bilsi 2017 aro December 2020-ona NEIS-ni ning·o ge 104 industrial unit-rangkosan register ba segataha, jeni a·sel private sector investment-ko man·na nenga.
Iarangna agre Northeast-na industrial policy-ko on·a baksana PSUs aro job-oriented investment-ko songna gita nanga ine Agatha, mol·molaha.
