Wednesday, March 19, 2025

GH-ni manderang Tura-o dialysis dakna man·gnok

Date:

Share post:

spot_img

TURA: Tura Civil Hospital-ni Medicine department-o Dialysis unit-ko kuliahani gimin da·ode Garo Hills-ni manderang, gipin biaprang, jekai Guwahati, Shillong aro uandakgipa dal·dalgipa biaprangona re·ange dialysis-ko dakna nangjawaha ine Sonibar salo, a·dokni Chief Minister Conrad K Sangma parakataha.
Sonibar salo ia dialysis unit-ko West Garo Hills a·jani Deputy Commissioner Ram Singh aro dingtang dingtang officer-rangni mikkango a·dokni Chief Minister, a·bachengate on·angaha aro ia dialysis unit-ko a·bachengate on·angani somoio ua iako parakangaha.
“Batanggimin sal somoirango Garo Hills-ni manderang dialysis-ko dakna gita Guwahati aro uandakgipa dingtang dingtang biaprangonasa re·ange dakna nangani a·sel bang·bea tangka paisarangko koros ka·na nangrongachim indiba da·ode Tura Civil Hospital-o dialysis unit-ko kuliahani gimin ma·manti saa donggipa manderang ia biapon sannanirangko ra·na man·gnok,” ine Sangma aganaha.
Meghalaya a·doko sanna banani cholrangko aro songadam nokadamrango donggipa health centre-rangko namdapatna sorkari kam ka·enga ine janapatengon, iandakgipa kamrangna sorkari, ia bilsini gisepo bang·bata tangka paisarangko chamaha ine Chief Minister parakataha.
Dalu CHC-na antignini gisepo ultra sound machine-ko sokate on·gnok ineba ia tom·anio Chief Minister parakataha.
TCH-ni Dialysis unit-ni a·bachengate on·angani somoio West Garo Hills a·jani Deputy Commissioner Ram Singh-ba jinmana aganprakangengon, Tura Civil Hospital-o trauma centre-ko kulina nangengani gimin aro songadam nokadamrango donggipa health centre-rango sanna banani cholrangko namdapatna nangengani gimin aganangaha.
Iana skang, Dialysis unit-ni Nodal Officer Dr Aaron KM Sangma-ba jinmana aganprakengon, kangal cholgri manderangba da·o koros komibeachi dialysis-rangko dakpana man·gnok ine parakangaha.
Ia tom·aniko Tura Civil Hospital-ni Senior Specialist Dr Tema B Sangma dilangaha aro rimchaksoani kattarangko Medical Superintendent Dr IC Marak aganangskaaha.

spot_img

Related articles

Shillong’s tryst with destiny as India face Maldives at JN Stadium

By Our Reporter Shillong, March 18: The Indian senior men’s team will face Maldives in a FIFA international friendly...

Messi out of Argentina’s WC qualifiers due to adductor injury

Buenos Aires, March 18: Lionel Messi will miss Argentina’s World Cup qualifiers against Uruguay and Brazil over the...

EPL delays use of new offside technology after VAR controversy

London, March 18: The Premier League has postponed the introduction of semi-automated offside technology (SAOT) following a record...

New Zealand beat Pak to take 2-0 lead in T20Is

Dunedin (New Zealand), March 18: Tim Seifert blasted 45 from 22 balls and Finn Allen hit 38 from...