Tura Community Science College-ni skanggipa Alumni Meet-ko ong·ata

TURA: Tura-ni Central Agricultural University (CAU)-ni ning·o donggipa Community Science College-ni skanggipa Alumni Meet-ko adita salrangna skang, Sangsanggre-o donggipa college campus-o ong·atangaha. Ia program-ko ICAR aro World Bank Project-ni dakchakanichi Institutional Development Plan-National Agricultural Higher Education Project (IDP-NAHEP)-ni ning·o ong·atangaha.
Ia program-ko ong·atanio Tura BSF-ni DIG Alok Kumar Singh, mongsonggipa sokgipa ong·e jinmana aganprakengon, college-o poraianggipa gitcham chatrirangko gronggriktaina ia program-ko ong·atahani gimin college-ni dilgiparangko mittelpilangenba, Integrating Community Science-ni gamchatgipa ong·ani gimin talate on·angaha.
Iana skang, Community Science College-ni Dean I/c Dr Namita Singh-ba jinmana aganprakengon, ia college-ko kulichengani aro college-ni chu·sokgipa ong·engani gimin jinmana talate on·angenba, ia college-o poraie chu·sokgipa chatrirang a·songni dingtang dingtang institute-rango, a·dokni dingtang dingtang department-rango aro mitamrangde bading chiwalanirango chu·sokgiparang ong·engaha ine parakangaha.
Ia program-ko ong·atanio gitcham chatrirang baksana sakgittam gitcham Dean-rangba internet gita bakko ra·angaha.