SHILLONG: Sombar saloni Mongolbar salona konta 24-ni gisepo Meghalaya a·doko COVID-19 man·dapgipa darangba dongjaha aro ia konta 24-ni gisepo a·doko COVID man·e sigiparangba dongjaha.
Da·o dipet Meghalaya a·dok gimiko sak 30 Covid-19 man·e dongkuengachim.
Ia apsan salon gimik sak 8 manderang Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparang gimik sak 92,136 gapskaengaha.
Salsani gisepo COVID-19-oni nampilgipa sak 8 manderangoni sak 1-de East Khasi Hills-o, sak 1-de Ri Bhoi a·jao, sak 1-de West Garo Hills-o, sak 3-de West Jaintia Hills-o aro sak 2-de West Khasi Hills a·jao ong·a.
Da·o dipet Meghalaya a·doko COVID-19 man·e sianggiparang gimik sak 1593 gapskaengaha.
