NONGSTOIN: Federation of Khasi Jaintia & Garo Peoples’ (FKJGP) aro Khasi Students’ Union (KSU) West Khasi Hills District Unit, Nongtoin-oni Sohpian-ona re·gipa km 7 ni ramako name dake tarija ar je contractor-an rama tariani kamko nirokaha, uan DPR-ni niamko ja·rikja ine aganaha.
District-ni dolgni NGO-rang, ramako nirokna re·angon, ramani ro·ako bakkandikataha ine nikna man·aha.
Kobor ra·timgiparangna parakatengon, FLJGP-ni General Secretary Willis Syiem aro KSU -ni General Secretary Franklin Syiemiong- uamangni indine aganaha, “Nongstoin-oni Sohpian-ona km 7 ramako rikao simsakgija kam ka·aniko chinga ra·chakjawa, contractor, DPR-ni gita kam ka·na nanggen.”
Km 7 ramako rikna kror 8.94 tangkako chamataha, indake FKJGP aro KSU dolrang ramako nirokna re·angon, contractor-ni km 7 ramako feet 1-na baten bakkandikataha ine nikna man·aha. Iandakgipa simsakgijaniko chinga ra·chakjawa ine dolgnian parakataha.
Uni gimin dolgnian, contractor aro daitoko jako ra·e kam ka·enggipa department-ko nirokatchina dabiaha.
Unbaksana Nongstoin-ni MLA Shri Macmillan Byrsat-ni Nongstoin-oni Sohpian-ona re·gipa ramako dal·dapatna dabianio dolgni organisation chakpaataha.