Thursday, March 28, 2024
spot_img

GHADC-na tax notice on·ani ja·man Municipality-ko ra·galchina Tura MDC dabia

Date:

Share post:

spot_img
spot_img

 

TURA: Garo Hills Autonomous District Council (GHADC)-ko kajina gamchina u·iatani ja·man Tura jillao Municipality-ko ra·galchina gita Tura-ni MDC Bernard N Marak dabiangenba, joltangtango namroro silroroaniko nirokna gita town committee-rangko tangatpilskachina didiangaha.

Marak-ni parakatani gitade, Tura Municipal Board (TMB) an·tangan GHADC-ni ning·o dongenggipasa ong·genchimoba GHADC-oniko kajina gilskaengachim aro ian Sixth Schedule-ko pe·ani gita ong·engachim.

“TMB-ko Sixth Schedule a·jaoni ning·osa chalaiengoba District Council-onikon kajina gilpilaniara namen kragijani ong·enga,” ine Tura MDC parakataha.

GHADC-ni ning·on donge maikai TMB, GHADC-oniko kajina gilpilna man·aha ineba Marak sing·doangaha.

Tura jillao GHADC-ni bilko TMB ra·sekna jotton ka·enga ine janapatengon, Sixth Schedule a·ja ning·ode TMB, Tribal-rangoniko kajina gilna bil dongja ine Marak talataniko on·angaha.

“Sixth Schedule-ni Article 243-o municipal-rangko Sixth Schedule a·jao chalaina bil on·jani gimin ian niamko pe·a ga·akenga. Uamang GHADC-oniko kajina gilna bil dongja. Iako anga raken jegalenga aro Tura jillao Municipality-ko ra·galenba town committee-rangko tangatpiltaichina nangnikenga,” ine Tura-ni BJP MDC aganaha.

Shillong-o aro Garo Hills-ni municipal area-rangoba town committee-rangko songna bilko on·china gita Meghalaya High Court-ko didina gita ua Shillong-ona re·angaha ineba Marak parakataha.

“Shillong-ode town committee-rangko songna gita High Court hukumko on·manaha aro ia apsan hukumkon Tura-naba nangnikenga. Tura jillao songdongenggipa manderang TMB-na aro GHADC-naba kajinarangko gamna nange neng·nikanirangko man·tokenga. Manderango GHADC-ni pattarang dongengon maina TMB-na kajinarangko gamna nangkugen? Trading licence-rangkoba Council-sa on·enga TMB ong·ja. Town area-rango Tribal-rangoniko TMB-ni kajina gilaniara niamni a·palo ong·a,” ine Marak parakataha.

spot_img
spot_img

Related articles

Ukrainian FM arrives in India to build on talks between PM Modi, Volodymyr Zelenskyy

New Delhi, March 28:  Ukrainian Foreign Minister Dmytro Kuleba arrived in New Delhi on Thursday to reinvigorate bilateral...

Trinamool, BJP exchange barbs over ‘white paper’ on MGNREGA, PMAY

Kolkata, March 28:  The ruling Trinamool Congress and the opposition BJP in West Bengal got engaged in a...

Political conspiracy, claims Kejriwal while being taken to Rouse Avenue Court

New Delhi, March 28:  Delhi Chief Minister, Arvind Kejriwal, while being taken to the Rouse Avenue Court on...

Rapid Response Units trained to mitigate HEC in eastern Assam

  Guwahati, March  28: Member volunteers  of  Rapid Response Units (RRU) operating in various human-elephant conflict (HEC) affected areas...