SHILLONG: Mongolbar saloni Budbar salona konta 24-ni gisepo Meghalaya a·dok gimiko mande sak 5 COVID-19 man·daptaiaha indiba ia konta 24-ni gisepo a·doko COVID man·e sigiparang dongskajaha.
Konta 24-ni gisepo COVID-19 man·dapgipa mande sak 5-ko channe da·o Meghalaya a·dok gimiko COVID-19 man·e dongenggiparang sak 18 gaptaiaha.
Konta 24-ni gisepo COVID man·gipa mande sak 5-oni, saksade East Jaintia Hills-o, sak 2-de East Khasi Hills-o, saksade West Garo Hills-o aro sak 1-de West Khasi Hills a·jao ong·a.
Ia apsan salon mande sak 2 COVID-19-oni nampilskana man·aha aro uandaken ia COVID-oni nampilgiparangba gimik sak 92,168 gapskaengaha. Ia salo COVID-oni nampilgipa mande sakgnioni saksade West Garo Hills-o aro saksade West Jaintia Hills a·jao ong·a.
Da·o dipet Meghalaya a·doko COVID-19 man·e sianggiparang gimik sak 1593 gapskaengahachim.