TURA: Sukrobar salo, New Delhi-o donggipa NIC-ni Deputy Director General aro Meghalaya a·dokni NIC State Coordinator Rajender Sethi, West Garo Hills a·jao ra·gate ka·enggipa dingtang dingtang e-Governance project-rangko nipilangaha aro ia tom·anio West Garo Hills a·jani Deputy Commissioner Ram Singh, Meghalaya NIC-ni Deputy Director General Timothy Dkhar aro dingtang dingtang department-ni officer-rangba dongpae bak ra·angaha.
Ia tom·anio NIC-ni DDG aro State Coordinator Rajender Sethi, tom·bagiparangna aganprakengon, e-Governance-o nangchakegipa dingtang dingtang neng·nikanirangko namatna nangengani gimin aganangenba, e-Governance project-rang aro e-District service-ni kamrangko ka·anio man·enggipa neng·nikanirangko u·iatchina sorkari officer-rangko didiangaha.
Ia tom·anio Meghalaya NIC-ni DDG Timothy Dkhar-ba aganprakengon, a·doko e-service-ni kamrangna NIC, single sign-on (SSO) system-ko a·bachengatgnok ine parakangaha.
Ia tom·anio jinmana aganprakanggipa gipin manderangara, West Garo Hills a·jani Deputy Commissioner Ram Singh, Tura NIC-ni DIO Sengre M Sangma aro gipinrang ong·a.
