SHILLONG: Ma·mongni Northeast-o Hindi ku·sikko schoolrango ra·gatna aganako namnikjae Congress-oni ra·gala man·gipa dilgipa Ampareen Lyngdoh, “schoolrango Hindi ku·sikko ra·telna nanga ingipako champengna Meghalaya-o chu·onga gita system donga” ine aganaha.
“India sorkarini ge·etako warachaksona a·dok baksa champengani cholrang donga. A·doko Khasi aro Garo, ia minggni major language ba ku·sikrang donga, uni gimin Hindi-ko ra·bana man·jawa.”
Union Home Minister Amit Shah, jean Parliamentary Official Language Committee-ni Chairman-ba ong·paa, uan mni Mongolbar salo, “Northeast-ni damchet a·dokrangna sak 22,000 Hindi teacher-rangko ra·aha aro Northeast-ni gimik a·dokrango schoolo Class X-ona Hindi subject-ko compulsory dakna namnikaha,” ine parakataha.
Unbaksana Northeast-ni dolsku tribal community-rang, uamangni dialect script-ko Devanagiri-ona bodolaha ineba Shah aganaha.
Meghalaya, Sixth Schedule state ba a·dok ong·a, uni gimin India sorkari, je niamkoba ra·gatdrana man·jawa. Angni bi·sarang ku·siktangkon poraina man·jaode, ian mikkangchina namen kenbegni ong·gen. Mikkangchi chingni agangipa ku·sik bon·naba donga,” ine Ampareen aganaha.
