Monday, February 10, 2025
spot_img

Hindi-ko Class 10-ona compulsory dakatna tik ka·aniko Shillong MP jegala

Date:

Share post:

spot_img
spot_img

SHILLONG: Salgro salaram a·dokrangoba Hindi subject-ko Class 10-ona compulsory dakatna gita ma·mong sorkarini tik ka·aniko Shillong-ni Lok Sabha MP Vincent H Pala jegalatenba, iani bidingo ua a·songni Prime Minister Narendra Modi-na sedoatgen ine parakataha.

Salgro salaram a·dokrangoba class 10-ona kingkingan Hindi subject-ko ra·telna nanggnok ine ma·mong sorkarini parakatani ja·man, salgro salaram a·dokrango ia dingtang dingtang dolrang aro dilgiparangba raken jegaltokengachim ine nikna man·a.

“Iani bidingo anga Prime Minister-na sedoatenba, salgro salaram a·dokrango Hindi subject-ko compulsory dakatna tik ka·aniko ra·pilchina didiatgen,” ine Pala aganaha.

Shillong MP-ni parakatani gitade, iandakgipa ja·kuko de·na skang ma·mong sorkari, a·dokrang baksaba agangrikchengna nangchongmotengachim.

Salgro salaram a·dokrango Hindi subject-ko ra·draatna jotton ka·aniara BJP-chi dilenggipa ma·mong sorkarini a·songsan, toromsan aro ku·siksan ong·atna miksonganiko mesokanisa ong·enga.

“Jakgitelgipa a·songo iandakgipa ja·kuko de·aniara kraani ong·ja,” ine Pala aganaha.

Salgro salaram jolo donggipa damchet a·dokrangba Hindi subject-ko Class 10-ona kingkingan compulsory dakna ku·rachakaha ine adita salrangna skangsan, Union Home Minister Amit Shah parakatahachim.

Parliamentary Official Language Committee-ni chang 37-gipa tom·bimonganiko dilangani somoio ua jinmana aganprakengon, Hindi subject-ko English subject-ni pal ra·chakchina indiba joltango jakkalgipa ku·sikrangni palde jakkaljachina ine Shah aganaha.

Indake ong·engon, a·songni Union Home Minister Amit Shah, Khasi jatni pilak ku·sikrangko aganna man·skagenchimode iani bidingo uamang ma·mong sorkari baksa agangrikna kusi ong·aigen ine KSU-ni president Lambokstar Marngar-ba iani bidingo parakataha.

Constitution-ni niamrangko Shah name ma·sikujaengakon ine janapatengon, ua Khasi jatni ku·sikrangkoba aganna skie ra·chengchina ine KSU president parakataha.

“An·chingara jakgitelgipa a·songona songdong a·chaenga aro darangba an·chingko drana bil dongja. Iandake draaniko chinga maming dakeba ra·chakna man·jawa,” ine Marngar aganaha.

spot_img
spot_img

Related articles

World Watch

Gunmen kill 25 civilians in Mali Bamako, Feb 9: Gunmen have attacked a convoy of vehicles escorted by Mali’s...

Will make BJP fulfil its promises to the people: Ex-Delhi CM Atishi

New Delhi, Feb 9: Outgoing Delhi Chief Minister Atishi said on Sunday that the Aam Aadmi Party (AAP)...

Yamuna issue plays vital role in AAP rout in Delhi

New Delhi, Feb 9: The Yamuna factor seemingly played a significant role in the 2025 Delhi Assembly elections,...

BJP seeks time from LG for meeting new MLAs ahead of govt formation in Delhi

New Delhi, Feb 9: A day after registering a massive a victory in the Delhi Assembly elections, the...