SHILLONG: Robibar saloni Sombar salona skanggipa changna Meghalaya a·doko saksaba COVID-19 man·dapgiparang dongjaha aro COVID man·e sigiparangba dongjaha.
Da·o dipet Meghalaya a·doko COVID man·e dongkuenggiparang sak 15 dongengpiti aro uamangoni saksade East Jaintia Hills-o, sak 8-de East Khasi Hills-o, sak 1-de Ri Bhoi a·jao, sak 3-de West Garo Hills-o, sak 1-de West Jaintia Hills-o aro sak 1-de West Khasi Hills a·jao ong·enga.
Ia konta 24-ni gisepo COVID-19-oni nampilgiparangba dongjaha aro uandaken da·o dipet ia COVID-19-oni nampilgiparangara gimik 92,176 ong·engaha.
Da·o dipet Meghalaya a·dok gimiko COVID-19 man·e sianggiparanga gimik sak 1593 gapskaengahachim.