SHILLONG: Sonibar saloni Robibar salona konta 24-ni gisepo Meghalaya a·dok gimiko mande saksa COVID-19 man·daptaiaha indiba ia konta 24-ni gisepo a·doko COVID man·e sigiparang dongtaijaha.
Konta 24-ni gisepo COVID-19 man·dapgipa mande saksako channe da·o Meghalaya a·dok gimiko COVID-19 man·e dongenggiparang sak 4 dongkuengpiti.
Konta 24-ni gisepo COVID man·gipa mande saksara East Khasi Hills a·jao ong·a.
Ia apsan salon mande sak 1 COVID-19-oni nampilskana man·aha aro uandaken ia COVID-oni nampilgiparangba gimik sak 92,190 gapskaengaha. Ia salni bako COVID-19-oni nampilgipa mande saksara Ri Bhoi a·jao ong·a.
Da·o dipet Meghalaya a·doko COVID-19 man·e sianggiparang gimik sak 1593 gapskaengahachim.