Tura: Achik Youth Welfare Organization (AYWO), Meghalaya aro Assam a·dokni gisepo simao meligrikgijaniko namatna ja·ku de·e MOU soi ka·ako jegalatenba jinmani namnikaniko sandie kam ka·china aganaha.
“Jinma manderangni namnikaniko sandigija kam ka·aniara, rajarangni ka·namgija an·tang ska gita sason ka·a ba manderangko sinjete kam ka·a gita ong·a. MOU-ko soi ka·anio manderangni namnikaniko sandija. Garo Hills-o aro West Khasi Hills-rango donggipa Garorangni ku·rangko knachakchina chinga Chief Minister-ko mol·molatenga, ine AYWO-ni president Sengbath Marak, aganaha.
Assam-na on·gipa biaprango songdonggipa manderang baksa MOU-ko soi ka·na skang mamingkon agangrika dongja. Ua jolni manderang Assam-o bakrimna siktokjaenga , maina uamangba a·dokni manderang ong·paa. CM Conrad Sangma aro uni cabinet manderangko sinjete kam ka·enga. CM, a·doktangni manderangni gimin chanchija, Assam sorkarini namnikako ja·rikgipasan ong·a, ineba Sengbath aganaha.
Minggipin Elaka GHADC-ni EM incharge Jambor War-ni aganani gitade, final draft-na skang regional committee-ni report-koba nijaha ineba AYWO janapataha.
“Sorkari, KHADC-koba andalao donaha. MOU-o maiko mancha donnuenga, maini gimin jinmana parakata dongja? ine AYWO sing·aha.
Uandake civil body, sorkariko, jinma manderangni namnikako knachake aro parak ong·e kam ka·china mol·molataha.
“Je biaprango Assam-na pakwatataha, ua jolo dongiparang, Meghalaya-o dongna sikama Assam-ona re·na sika, iako an·tang namnike basena cholko on·china ine mol·molatkuaha.
