Shillong: A·dokni Chief Minister Conrad K. Sangma, Mongolbar salo ‘Ginger Mission’ programme-ko Agriculture Minister Banteidor Lyngdoh-ni dongpanio Integrated Agriculture Training Centre, Shillong-o a·bachengate on·aha.
Ia mission-ko a·doko re·baenggipa bilsi gittamo e·ching ge·a-gamaniko komibeoba bilsiprako lak 1.5 MT-ona baridapatna miksonganio a·bachengataha. Da·ode bilsiprako 60,000 MT-kosan man·enga. Ia mission-ni gita Agriculture Department aro Farmer’s Welfare, nambata dingtang dingtang rokomni e·ching jekai- IISR Mahima, IISR Varada aro Nadia (iako a·doko bang·en ge·bata)-ko parakatgen.
Ia mission-oniko sak 50,000 game cha·giparang namgniko man·gen aro production-ba 10,000 ha-oni 12500-na bariatdapgen. Nambata rokomni e·chingko parakata baksana ia mission-o game cha·giparangna Package of Practices (POP)-ni gimin training-ko on·gen.
Uandake mission-ko parakatani somoio Chief Minister aganprakataon, “Ginger Mission-ni gimin agantalate on·aha, ian a·dokni game cha·giparangna dakchakgipa ong·gen ine aganaha.
Batanggimin sal somoirango game cha·giparangna dingtang dingtang welfare programme-rangko parakatahachim indiba game cha·giparangni man·gniko bariatna miksonganio chu·sokjaha. Indiba ia Ginger Misison-ko game cha·giparangni man·gniko bariatna manchaan tariaha. Sorkari gisik nange neng·takgija game cha·giparangko dakchakna kam ka·enga. Niatgenchimode a·dokni 70 percent manderang ge·a-gamanio kam ka·giparang ong·a, uni gimin a·dokko ra·donade game cha·giparangko ra·dona nanggen.
Minggipin a·doko man·gipa ‘Sying Makhir’ (rokomsa e·ching) jekon sam-bol tarianio jakkala, ukoba mission-o promote ka·anggen. Chanchisoa gitan rake kam ka·anga ong·ode Meghalaya, e·ching man·batgipa a·dokrangoni gittamgipa biapko man·a ka·donga ine Chief Minister aganaha.
Uandake mission-o parakate on·angao CM, game cha·giparangna e·chingni dingtang dingtang rokomni sample-rangko suale on·angjolaha.
Ia mission-ko a·doko re·baenggipa bilsi gittamo e·ching ge·a-gamaniko komibeoba bilsiprako lak 1.5 MT-ona baridapatna miksonganio a·bachengataha. Da·ode bilsiprako 60,000 MT-kosan man·enga. Ia mission-ni gita Agriculture Department aro Farmer’s Welfare, nambata dingtang dingtang rokomni e·ching jekai- IISR Mahima, IISR Varada aro Nadia (iako a·doko bang·en ge·bata)-ko parakatgen.
Ia mission-oniko sak 50,000 game cha·giparang namgniko man·gen aro production-ba 10,000 ha-oni 12500-na bariatdapgen. Nambata rokomni e·chingko parakata baksana ia mission-o game cha·giparangna Package of Practices (POP)-ni gimin training-ko on·gen.
Uandake mission-ko parakatani somoio Chief Minister aganprakataon, “Ginger Mission-ni gimin agantalate on·aha, ian a·dokni game cha·giparangna dakchakgipa ong·gen ine aganaha.
Batanggimin sal somoirango game cha·giparangna dingtang dingtang welfare programme-rangko parakatahachim indiba game cha·giparangni man·gniko bariatna miksonganio chu·sokjaha. Indiba ia Ginger Misison-ko game cha·giparangni man·gniko bariatna manchaan tariaha. Sorkari gisik nange neng·takgija game cha·giparangko dakchakna kam ka·enga. Niatgenchimode a·dokni 70 percent manderang ge·a-gamanio kam ka·giparang ong·a, uni gimin a·dokko ra·donade game cha·giparangko ra·dona nanggen.
Minggipin a·doko man·gipa ‘Sying Makhir’ (rokomsa e·ching) jekon sam-bol tarianio jakkala, ukoba mission-o promote ka·anggen. Chanchisoa gitan rake kam ka·anga ong·ode Meghalaya, e·ching man·batgipa a·dokrangoni gittamgipa biapko man·a ka·donga ine Chief Minister aganaha.
Uandake mission-o parakate on·angao CM, game cha·giparangna e·chingni dingtang dingtang rokomni sample-rangko suale on·angjolaha.