SHG-ni NGO-rang PM college-ni bidingo CM-ko gronga

By U'IATTIMGIPAONI On Apr 27, 2022

GSU Dalu Regional Unit-ni President Gipseng N Sangma, FKJGP Dalu Circle President Rajive N Sangma, AYWO Dalu Branch General Secretary Sebastian D Sangma aro GSMC Dalu unit-ni Chairman Junstemey R Marak mang mijalo Meghalaya Chief Minister-na memorandum on·enga.

SHILLONG: Garo Students Union, A·chik Youth Welfare Organisation, Federation of Khasi Jaintia and Garo People aro Dalu Regional Unit-ni Garoland State Movement Committee, dolrang nangrimenba mijal Mongolbar salni bako Meghalaya Chief Minister Conrad Sangmako, Shillongo grongenba Dalu-o donggipa Phukan Memorial College-ko namdapatani bidingo memorandum-ko on·angaha ine koborna u·iataha.
Phukan Memorial College, Dalu, college-ni wilwilao donggipa songrangna namen namgniko on·enga, jeon college-ni wilwilo donggipa songni bi·sarang Phukan Memorial College-o namgipa skie ra·anirangko dakna man·enga. Indake ong·engon, chatro chatrirang nambata chubata gadangrango skie ra·na man·a gita ia Phukan Memorial College, Govenment college dakatchina aro Meghalaya People College Grant In Aid Scheme-ko on·china, uandaek Teaching aro Non-Teaching Staff-rangko on·china gita janape segimin memorandum-ko NGO-rang, Meghalaya chief minister-na on·aha ine koborna parakataha.
Ia college-o South Garo Hills-ni uandake gipin district-ni bang·a kangal cholgri chatro chatrirang poraitokenga. Ia college-ko 2001 bilsio kuliaha, unon ia college namen tang·doaha indakoba facilities ba college-o nanganirang chu·onga gita dongjani a·sel, mitam norms ba niamrangko chu·sokatna man·kujaenga, unigimin a·jolni, uandake chatrochatrirangni namgnina College-ko nirokatchina gitaba NGO-rang, Meghalaya CM-ko mol·molaha.