Saturday, May 31, 2025
spot_img

Dadenggre jolo bijoliko name on·jaenganina GSU matnanga

Date:

Share post:

spot_imgspot_img

 

TURA: Dadenggre civil sub-division-ni ning·o donggipa dingtang dingtang biaprango bijoliko name on·jaenga ine Garo Students Union (GSU) Western Zone (North) Dadenggre, suk ong·gijaniko parakataha.

GSU WZN Dadenggre-ni president Tengsan M Marak-ni parakatani gitade, batanggimin jarangonin Dadenggre jolrango bijoliko name man·tokjaengachim aro iani a·selan da·o porikkarangko seenggipa chatro chatrirang neng·nikanirangko chagrongna nangtokengachim.

Dadenggre jolrango bijoliko name man·jaengani a·sel chatro chatrirangsan ong·aigija bijolio pangchakna nangenggipa dingtang dingtang dokkanrangba nangchakeaniko man·tokenga ineba GSU WZN Dadenggre-ni president parakataha.

Dadenggre-o donggipa MePDCL-ni kamna suk ong·gijaniko parakatengon, ia jolo bijoli sia changantian uamang, Rongkhon sub-station-kosa dos galrongenga ine GSU parakataha.

“FeDCO-o kam ka·giparang baksa Dadenggre-ni MePDCL-o kam ka·enggipa manderangba re·rurae nirok sandianirangko dakna nanga. FeDCO-o kam ka·giparangde training-rangko man·pagiparang ong·ja indiba MePDCL-o kam ka·giparangde gimikan training dongmangimin manderangsa ong·achim. Uni gimin MePDCL-o kam ka·enggiparangba FeDCO-o kam ka·enggiparang baksa Dadenggre-o donggipa manderangna nambate bijoliko on·na kam ka·na nanga,” ine GSU WZN Dadenggre-ni president parakataha.

spot_imgspot_img

Related articles

Ampati MePDCL-o casual worker-rangko rakkichina AHAM dabia

AMPATI: Ia sal somoirangara wachini somoi ong·e Ampati jolrango bijolirang sirongengani gimin kamrangko ta·rake dakchake on·na man·na gita...

TMCH-ko PPP mode-o chalaianiara ANVC dolrangni songgigrikaniko pe·ani ong·gen: Bernard

TURA: Tura Medical College & Hospital (TMCH)-ko Public-Private Partnership (PPP) Mode-o chalaina gita a·dok sorkarini tender-ko on·enganiara 2014...

ILP-ko man·e on·chipjaengani gimin sorkariko KSU matnanga

SHILLONG: Meghalaya a·doko Inner Line Permit (ILP)-ko ra·gatchina dabianio chakpaaniko on·e 2019 bilsion Meghalaya Legislative Assembly, resolution-ko pass...

NGH-o police-rangni bilko bariatchina ASPF didia

TURA: Resubelpara Civil Sub-Division-ko 2012 bilsion chu·gimik North Garo Hills a·ja songahaoba da·alonan police-rangni bilde sub-division-ni somoio gitan...