TURA: Azadi Ka Amrit Mahotsav aro Meghalaya a·dokni bilsi 50 gapaniko maniani bak gita Sombar salo, Inter School Quiz Competition-ko Tura-ni Dakkopgre-o donggipa SMELC building-o ong·atangaha aro ia quiz competition-ko ong·atanio Tikrikilla Government Higher Secondary School, skanggipa biapko man·e chegipa ong·aha.
Ia quiz competition-ko West Garo Hills District School Education Office aro District Administration nangrime ong·atangaha aro ia program-ko ong·atanio Tura-ni gitcham DSEO aro Durama Academy-ni Principal Silme Ch Marak, mongsonggipa sokgipa ong·e bakko ra·angaha.
Ia quiz competition-ko Tura Government Boys Higher Secondary School-ni skigiparang, chong·motan Samuel K Sangma, Bilseng Sangma aro F Marak dakdilangaha, jeon West Garo Hills a·jao donggipa dingtang dingtang skulrang bakko ra·angaha.
Ia quiz competition-o gnigipa boksisko Tura Don Bosco Higher Secondary School aro gittamgipa boksisko Tura Government Girls Higher Secondary School cheangskaaha.
Ia program-ko ong·atanio dongpae jinmana aganprakanggipa gipin manderangara, District Science Supervisor CA Sangma, Tura Govt Girls Higher Secondary School-ni Assistant Lecturer Rimbie D Arengh aro gipinrang ong·a.
