Tikrikilla Block-o SHG Mela aro FLC Camp-ko ong·ata

TURA: Azadi Ka Amrit Mahotsav-ni North East Festival-ko maniani bak gita SHG Mela aro FLC Camp-ko Mongolbar salo, Meghalaya State Rural Livelihoods Society (MSRLS) baksana Tikrikilla C&RD Block aro SBI nangrimenba, Tikrikilla Block-ni ning·o donggipa Bollonggitok songo ong·atangaha.
Ia program-ko ong·atanio Bollonggitok song jolo donggipa dingtang dingtang self help group (SHG)-rang aro village organisation (VO)-rang baksana songni nokni manderangba bakko ra·angtokaha.
Ia SHG Mela aro FLC camp-ko ong·atanio dingtangmancha SHG aro VO-rangna stall-rangkoba donaha aro ia stall-rango, DDU GKY, Veterinary department, Aadhar, Health, MHIS, ICDS, NSAP, dingtang dingtang bank-rang aro gipinrangba bakko ra·angtokaha.
Ia SHG mela aro FLC camp-ko ong·atanio Tikrikilla Block-ni Block Development Officer (BDO) Leena Daring, mongsonggipa sokgipa ong·e, songni nokni me·chikrangna aro dingtang dingtang SHG-rangna agan-ku·pattianirangko on·angaha.

Get real time updates directly on your device, subscribe now.

Comments are closed.