SHILLONG: A·dok sorkari, Common University Entrance Test (CUET) 2022 porikkako senagipa-rangna bang·bate exam centre-ko rikchina ba donchina NTA-ko mol·mo-lataha ine Education Minister Lahkmen Rymbui, koborna u·iataha.
Kobor ra·timgiparang baksa agangrikengon, Rymbui, indine aganaha, “National Testing Agency ba NTA-ni on·gipa notification-ni gitade a·doko -Shillong, Jowai aro Tura-o ia damgittam district-o exam centre-ko donna janapaha.”
“Indiba chinga chatro-chatrirangna bang·bate exam centre donako nangnikskaenga.”
Uandake Union Education Minister Dharmendra Pradhan-ko Chief Minister Conrad K Sangma-ni mol·molaniko knachake, North-Eastern Hill University (NEHU)-ko watchange gipin university-rangko ia CUET-oniko watchangna ra·chakatanina mittelataha.
Union Education Ministry, geographical aro infrastructure-ko nigrike ia gital academic session-na exemption ba watchangna tik ka·aha.
Indake ong·engon Rymbui, poraigiparangko jemangan CUET-na apply ka·manahachim, uamangko porikkao asongchina agan-ku·pattiataha. ‘CUET porik-kao nama mark-ko man·o-de, student-rang jeoba admission-ko man·aigen, ine agandapataha.
