SHILLONG: West Jaintia Hills, Jowai-ni bajar damsao me·chikma saksako cha·ua potenba krongo kae dongipani chu·gimik a·selrangko sandiatgen ine Social welfare minister Kyrmen Shylla mijalo aganaha.
Ia a·sel ong·gipara town-ni a·palosa ong·ani gimin ua ia a·selrangni gimin ma·sikuja ineba Minister aganaha.
“Anga, a·sel ong·ani chu·gimik obostarangko sandiatgen,” Minister aganaha.
Koborrango parakani gitade, pocket ba jeponiko cha·ua potenba me·chikma saksako Jowaini bajar damsao, krongo kae donahachim. Me·chikko krongo kae donani noksarang gimikni gipangpilahachim, jeni a·selan a·sel ong·anirangko sandina gita Jowai Police-ko draataha.
Giprorogipa video-o nikani gitade, ma·sina man·gijagipa me·chikma saksako sae-manengjoljolenba krong dotsao kaenba mande jinmani mikkango sing·engachim.
West Jaintia Hills Police-ni aganani gitade ia a·sel re·anggipa May 10 tariko ong·ahakon.
Jowaio me·chik saksako krongo kagipani a·selko sandiatgen: Shylla
Date:
Share post:
