Fashion Show-ni audition-ko May 27-o ong·atgen

SHILLONG: North East International Fashion Show edition-na audition-ko May 27 tariko Shillong Club-o ong·atgen.
Event-ko Prashant Ghosh  design ka·aha aro Sweety Ghosh dakchakaha. Ia fashion show-o bia ka·gimin, bimang mila-ram·a chadambe me·chik-me·asa-rang pilakkan bak ra·na gita man·gen.  Audition-o seoka man·gipa model-rang, September jao Guwahati-o ong·atgipa mongsonggip event-o bak ra·angskagen.
Uandake kobor ra·timgi-parang baksa agangrik-engon model aro entrepreneur Eve Syiemlieh, fashion show-ni gimin talatengon indine aganaha, ian fashion industry-o career-ko tarina sikgipa-rangna bilongen namgipa chol ong·a.  Minggipin event-o national aro international model-rangba bak ra·gen ineba u·iataha.
Iarangni gisepon chadam-be me·a-me·chikrang je-mangan bak ra·na sikenga, uamangna height criteria dongjawa, Mrs Category-ona minimum height ba changroani feet 5 inch 3 ong·aigen aro me·asa-rangna feet 5 inch 5 ong·skagen. Registration ka·ani somoio gong 300 tangkako gamna nanggen.