BAGHMARA: Bristibar salo, Tura-ni MP Agatha K Sangma, South Garo Hills a·jaona re·angenba, District Development Coordination & Monitoring Committee (DISHA)-ni tom·aniko ong·ate, South Garo Hills a·jao ra·gate ka·enggipa ma·mong sorkarini dingtang dingtang scheme-rangko nipilangaha.
Ia tom·aniko Baghmara-ni NIC Conference Hall-o ong·atangaha aro tom·anio dingtang dingtang department-ni officer-rang, department-tangtango ka·enggipa scheme-rangni gimin Tura-ni MP-na agan-talate on·angtokaha.
Ia tom·anio ma·mong sorkarini dingtang dingtang scheme-rang, jekai Rural Employment Guarantee Scheme, Pradhan Mantri Awass Yojana, Deen Dayal Upadhyay Gramin Kausallya Yojana, Pradhan Mantri Fasal Bima Yojana, Mission for Integrated Development of Horticulture, Swatch Bharat Mission, National Rural Drinking Water program, Pradhan Mantri Krishi Sinchayee yojana, Deen Dayal Upadhya, Gram Jyoti Yojana, Pradhan Mantri Kamal Vikas yojana, Road safety, National Health Mission, PMKSY & IMGSY, SSS, ICDS, ICPS, Mid Day Meal Scheme, MP Local Area Development Scheme, Food Safety Act, PMEGP, NRLM aro uandakgipa scheme-rangni gimin Tura-ni MP chanchirimdilangaha.
South Garo Hills a·jaona re·anganio Agatha Sangma, Capt Williamson Sangma Memorial College-koba niangjolaha aro unbaksa Rongara-Siju-ni MLA Rakkam A Sangma-ba dongpae bak ra·angaha.
