SHILLONG: Sukrobar salo, Martin Luther Christian University-ni Environment & Traditional Ecosystems Department aro Meghalaya Biodiversity Board nangrimenba, International Biodiversity Day-ko maniani bak gita Poster aro Photography Competition-ko Shillong songjinmani MLCU-o ong·atangaha.
Ia program-ko ong·atanio Meghalaya a·dokni neng·takgimin IFS officer aro gitcham PCCF TTC Marak mongsonggipa sokgipa ong·e bakko ra·angaha aro tom·anio, MLCU-ni Registrar Dr Iwamon WJ Laloo, Controller of Evaluation & Examinations Dr Marina Marwein, Finance Officer Sonia Lyngdoh Tron, dingtang dingtang department-ni dilgiparang aro chatro chatrirangba dongpae bak ra·angaha.
Ia tom·anio TTC Marak, college-o poraienggiparangna aro kam ka·giparangna aganprakengon, samtangtango ong·telaigiparangko ripinge rakkina nangengani gimin aganangaha.
Ia poster aro photography competition-rango bakko ra·giparangna bon·kamao boksisrangko on·e ia program-ko matchotataha.
