AMPATI/RESUBELPARA: Bilsiantian May-ni 31 tariko World No Tobacco Day-ko maniengani gimin ia salko manisamsoani bak gita ia bilsio, Meghalaya sorkarini Health department, Gurugram-ni Sambandh Health Foundation (SHF) baksa nangrime, dingtangmancha ta·makku jakkalaniko champengna ja·ku de·chakatengani gimin Garo Hills-oba dingtang dingtang skulrango poraienggipa chatro chatrirang, ta·makku jakkalaniko jegale jinma re·jomaniko aro signature campaign-ko ong·atangaha.
A·gilsak gimikon ta·makku jakkale mande sianirang batroroengani gimin ta·makku jakkalaniko bon·atna gita ia World No Tobacco Day-ko 1987 bilsio World Health Organisation (WHO)-ni Member State-rang a·bachengatahachim.
Ia bilsio ia World No Tobacco Day-ko maniani bak gita dingtangmancha sorkarini ge·etaniko man·ahani gimin Meghalaya a·dok gimikon, skulo poraienggipa chatro chatrirang, ta·makku jakkalani namgijanirangko manderangna u·iatna gita jinma re·jomaniko aro jinma soi ka·aniko dakenga aro uandaken South West Garo Hills a·jaoba dingtang dingtang skulrango poraienggipa chatro chatrirang, jinma re·jomaniko aro soi ka·grimaniko ong·atangaha.
Apsan daken, North Garo Hills a·jaoba, ta·makku jakkalanirangko jegale dingtang dingtang skulni chatro chatrirang, jinma re·jomaniko aro signature campaign-ko ong·atangaha.
Chatro chatrirang ta·makku jakkalaniko jegale re·jomaniko ong·ata
Date:
Share post:
