Sunday, July 6, 2025
spot_img

ISBT-ni bidingo judicial inquiry-ko dakna nangjawa: Transport Minister

Date:

Share post:

spot_imgspot_img

SHILLONG: Shillong songjinmani Mawlai Mawiong-o Inter State Bus Terminus (ISBT)-ko rikanirang namjahani gimin inquiry-ko dakchina dingtang dingtang dolrang dabitokengon, iani bidingo judicial inquiry-ko dakna nangani katta dongja ine a·dokni Transport Minister Dasakhiatbha Lamare parakataha.

Shillong songjinmani ISBT-o, re·anggipa anti mikkarang jimbee waangani ja·man, nok ning·ao be·srianirangko aro chi joksruanirangko nikna man·angahachim.

Indake ong·genchimoba, ia ISBT-o nosto ong·aniara inditana ong·ja aro iandake chonchongipa kamrangna judicial inquiry-ko dakna nangani katta dongja ine Lamare parakatskaaha.

Transport Minister-ni parakatani gitade, nokrangko ba iandakgipa building-rangko rikanio pangnan chonchongipa dakgualani ba nosto ong·anirangkode nikna man·rongaiachim.

Iani bidingo judicial inquiry-ko dakatna jechakatengon, nok ning·ao be·srianirangko aro nokking gita chi leak ong·ani a·selrangko name ma·sina man·na gita departmental inquiry-ko dakatskagen ine Lamare parakataha.

Indake ong·engon, PWD (Roads)-ni official saksa, Mawlai Bypass-ni dolong nosto ong·engaha ine matnanganiko jegalatskaenba, ia dolongni chuaniara metre 30-40-mang ong·ani gimin a·akosa gapatna nangengachim ine talataniko on·angaha.

Ia dolong chuani gimin ia dolongona road roller-ko ra·ange a·a gapatna gita ia kamko ka·gipa contractor neng·nikaniko man·ahachim ineba PWD official parakataha.

Ia dolongko taridapanirang matchotaha aro Sukrobar salonin ia dolong gita garirangko re·na on·engaha ineba ua parakataha.

spot_imgspot_img

Related articles

BJP leader hails Centre’s efforts to restore peace in Manipur

Imphal, July 5: Senior BJP leader Yumnam Khemchand Singh, on Saturday, highly praised the central government for its...

Narcotics smuggling module linked to Pakistan busted in Punjab

Chandigarh, July 5: Amid the ongoing drive to make Punjab a safe and secure state, Punjab Police’s Counter...

Bangladesh seeks details from Malaysia on 36 nationals arrested for IS links

Dhaka, July 5: Bangladesh on Saturday sought the identities and case details of 36 Bangladeshi nationals recently arrested...

Workshop focuses on vulture conservation; logos unveiled

Guwahati, July 5: Premier biodiversity conservation Aaranyak, in partnership with the Assam Science Technology and Environment Council (ASTEC)...