TURA: Garo Hills Autonomous District Council (GHADC)-ni rikenggipa museum-ni biapo a·dok sorkari, Tribal Research Institute (TRI)-ko rikskaaha ine Tura-ni BJP MDC aro BJP-ni state vice president Bernard N Marak matnangataha.
Tura MDC-ni parakatani gitade, GHADC-ni rikenggipa Museum-ni bidingo RTI ka·e am·sandion ia Museum-ni biapo a·dok sorkari, Tribal Research Centre-ko rikskaaha ine ma·sina man·ahachim.
“GHADC-ni Museum-ko ma·mong sorkarini chamatgipa tangka paisarangchisa rikahachim aro da·o ia museum-ara North Tura constituency-ni ning·o donggipa songosa ong·skaaha. Lekkarango mesokani gitade, ia museum-ni kamrang da·o 80 percent-ni gitade matchotani ong·ahachim indiba chinga museum-ko nina re·angon ia museum-de gimaskae, ia museum-ni pal Tribal Research Institute-sa ong·katskaaha,” ine Marak parakataha.
GHADC-ni rikenggipa museum-ona songni manderang uamangko mesokna rimangon, ua biapo museum-ni pal Tribal Research Centre-sa dongskaaha ineba Marak parakataha.
“Ma·mong sorkarini chamatgipa minggni project-rangchi maikai building ge·sakosan mesokna man·aiaha? Chingni RTI-na aganchakani gitade, Tura Sunny Hills-o rikna manchigipa GHADC museum-ko North Tura constituency-ni Chidekgre songona apjitangskaahachim indiba ia biapo GHADC museum-ni pal Tribal Research Institute-sa dongskaaha,” ine Tura-ni BJP MDC parakataha.
Ma·mong sorkarini chamatgipa tangka paisarangko maikai a·dok sorkari iandake jakkalsretna man·a ineba Marak sing·doataha.
“CBI inquiry-ko a·dokni dilgiparang jechakkuaigenma? GHADC-ni Museum gimaaha ong·ode maikai GHADC utilisation certificate (UC)-ko mesokkuna man·gen?” ine Tura MDC sing·doataha.
Get real time updates directly on your device, subscribe now.
Comments are closed.