NGH-o Science, Maths aro Environment Exhibition-ko ong·ata

RESUBELPARA: Mongolbar salo, North Garo Hills a·jani Dilma A·pal Higher Secondary School-o District Level Science, Mathematics aro Environment Exhibition-ko chatro chatrirangna ong·atangaha aro ia exhibition-ko ong·atanio North Garo Hills a·jao donggipa damchet skulrang bakko ra·angaha.
Ia exhibition-o Mendal Don Bosco Higher Secondary School, nambatgipa model-ni boksisko man·aha aro ia skulni chatro chatrirang, da·o State level Science Exhibition-o bakko ra·eskagnok.
Ia exhibition-ko ong·atanio Meghalaya Legislative Assembly-ni Deputy Speaker aro jolni MLA Timothy D Shira, mongsonggipa sokgipa ong·e jinmana aganprakengon, science-o gisik nanggiparang ong·china chatro chatrirangko didiangaha. Science-ara mandeni salanti janggi tanganio bak ong·pagipa ong·ani gimin dingtang dingtang neng·nikanirangko Science-ni kamrangchi namatna man·na gita Science-o gisik nanggiparang ong·na nanga ineba ua chatro chatrirangko didiangaha.
Ia exhibition-ko ong·atanio North Garo Hills a·jani Additional Deputy Commissioner ZJ Sangma-ba dongpae jinmana aganprakengon, Science subject-na kenjachina aro Science-ni kamrangko name am·sandie nigiparang ong·china chatro chatrirangna ku·pattianiko on·angaha.
Ia program-ko ong·atanio, Chief Minister program-ni bak gita dingtangmancha chatro chatrirangna M-Tab-rangkoba suale on·angjolaha.

Get real time updates directly on your device, subscribe now.

Comments are closed.