TURA: South Garo Hills a·jao taripile on·na nangenggipa skul nokrang bang·en dongkuengani gimin jolo songdongenggipa manderangni namgnina aro mongsongbate poraienggipa bi·sarangni namgnina ia skul nokrangko ta·raken taripile on·china gita Garo Students Union (GSU) Mindikgre regional unit-ni president Greneth Sangma, a·dok sorkarina gisik ra·atpilaniko on·angaha.
Sangma-ni parakatani gitade, ia skulrangko taripile on·china gita batanggimin bilsirangonin a·dokni chief minister, education minister, education officer aro dingtang dingtang dilgiparangna changni chang sedoatahachim indiba ia skul nokrangko da·onan taripile on·kujaengachim.
Iani bidingo School Education & Literacy-ni Director-na sedoattaiengon, South Garo Hills a·jao aro mongsongbate Mindikgre jolrango lower primary (LP) aro upper primary (UP) skul nokrang bang·en taripilna nangenggiparang dongkuenga indiba da·onan ia skul nokrangko taripile on·na dongkujaenga ine GSU Mindikgre unit-ni president parakatenba, ia skul nokrangko ta·raken taripile on·china didiataha.
“Ia skul nokrangko tarigija indaken donaigenchimode bi·sarangna skie on·enggipa skigiparang aro skulo poraienggipa bi·sarangnaba namen neng·nikani ong·gen,” ine Sangma parakataha.
SGH-o galchipe donenggipa skul nokrangko tarichina sorkariko gisik ra·attaia
Date:
Share post:
