TURA: Mongolbar salo, Meghalaya a·dokni gital Director General of Police (DGP) Dr Lajja Ram Bishnoi, Garo Hills-ona re·baenba, Tura Don Bosco College-ni chatro chatrirangkoba grongangjolaha.
Don Bosco College-ni chatro chatrirang baksa agangrikengon, drugs ba pekatgipa samrangko jakkalani namgijanirangko talate on·angan baksana maikai skigiparang, sam jakkalgipa manderangna dakchakanirangko on·na man·gen, uarangni gimin agan-talate on·angjolaha.
A·dokni gital DGP Dr Bishnoi-ni ian skanggipa changna Garo Hills-ona re·baaniba ong·ahachim.
Don Bosco College-ona re·angani somoio ua chatro chatrirang baksa agangrikengon, maidakgipa samrangko jakkalna nangja aro iandakgipa samrangko jakkalanichi mandena mai namgijaniko ra·bana man·achim, uarangni gimin agan-talate on·angenba, skigiparang ong·e maikai skul aro college-rango drugs jakkalgipa chatro chatrirangna maikai dakchakanirangko on·na man·gen, uarangni gimin agan-talatanirangko on·angaha.
Pekatgipa samrangko jakkalanichi nokdangrangko rusina man·a ine janapangengon, iandakgipa bosturangoni chel·e dongchina gita Dr Bishnoi, chatro chatrirangko didiangaha.
Rimchaksoani kattarangko Tura Don Bosco College-ni Principal Fr Bivan Rodriques Mukhim aganangaha aro tom·anio DIG (Western Range) CVS Reddy, West Garo Hills a·jani SP VS Rathore aro gipin police officer-rangba dongpae bak ra·angaha.
A·dokni gital DGP, Don Bosco College-ni chatro chatrirangko grongea
Date:
Share post:
