SHILLONG: Meghalaya-o man·dapanina kam ka·-gijagipa ka·sae dakgipa dol Gracious Givers Foundation (GGF)-ni gnigipa bilsi gapaniko maniani bak gita mijal Sonibar salo mikka wasisigenchimoba sak 50-na baten bakko ra·gipa-rangchi marathon kataniko ong·ataha.
A·dokni dingtang ding-tang biaprangoni bakko ra·giparang foundation-ni marathon-na dingtangman-cha dongimin ja·pang katta “Run For Peace” baksa katataha, aro tom·tomanina aro ku·mong-nangrimanina mol·molaha.
Marathon-ko State Central Library-oni a·ba-chenge, DC office-ko wilwile, St. Anthony’s College, Shillong Commerce, Don Bosco Square, Laitumkhrah police point, Fire Brigade, Dhankheti, Malki, Civil police point-ona aro Library-o mat-chotateaha.
Marathon-o, Welbethstar Ramsiej, Sainkupar Jyrwa aro Iwell John Ramsiej skanggipa ong·aha, gnigipa aro gittamgipako me·asarang man·aha, Marqueenless Ramsiej skanggipako me·-chik category-o man·aha aro Lyntijingkyrmen K Jahrin aro Clairjones Jala Kharbhih gnigipa aro gittam ong·aha.
Katsusao bakko ra·giparangni gisepo Disil Nongrum, bilsi 75, budepa-batgipa Risawanlindakmen Lyngkhei, 9, chonbatgipa ong·a.
Marathon chegiparang-na June 25-o Foundation-ni mongsonggipa programme-o boksisrangko on·anggen.
Pilak bakko ra·giparang-na bakko ra·ani certificate-rangko on·angaha.
GGF-ko 2020 June 21-o songaha aro unonin Meghalaya State Cooperative Society Act-ni ning·o segataha.
Foundation songjinma ning·o aro wilwilao Covid-19 sabisini somaio neng·-nikaniko man·mitingo aro lockdown-o aro uni ja·mano jemangan neng·nikaniko man·e dakchakaniko nang-engachim uamangna dakchakna kam ka·aha.
