TURA: Adita salrangna skang Garo Hills-o, Republican Party of India (RPI)-ni block committee-rangko songe donangaha ine u·iataha.
Kobor on·ani gitade, ia RPI dolko 1957 bilsion, Dr BR Ambedkar a·bachengatahachim aro da·o ia dolko Union Social Justice & Empowerment Minister Ramdas Athawale, padot ong·e re·dilskaengachim.
Indake ong·engon, Garo Hills-o ia RPI-ni skanggipa block committee-ko Dalu constituency-o a·bachengatenba, dingtang dingtang songrangoba committee-rangko songe donangaha ine u·iataha.
Re·baenggipa 2023 bilsini Meghalaya Assembly election-o RPI Garo Hills Zone-ni padot Panseng R Marak, an·tangan Dalu constituency-oni susaanggen ineba kobor on·aha.